احنا مش عارفين نعيش
مش لا قيين رغيف العيش
لا طايليين عضم اللحمة ولا من الفراخ الريش
طب قولولنا ازاي نعيش
كل لي على لسانكوا مفيش
نزلين في الغلابة تلطيش
مبئاش عندكوا ضمير
بصوا للراجل الفقير
حقه يشكي الوزير
ما هو علي قلبه فلوس كتير
ولا اداله حتي سرير
ماهو الطمع له اسير
بيعميهم عن الغلابة
ويسبوهم تاكل فيهم الديابة
ويقولوا هنشيل من عليهم الضريبة
اما انتوا فعلا ناس كدابة
ولادي ازاي هعلمهم
مصاريف مدرسة كراريس كتب عايزينهم
والاسعار عمالة تغلى
والاغنياء مش هاممهم
مين تفرق معاه حياة فقير منهان
عنده اربع بنات شايل تعليمهم وجهازهم
والجواز قبليه مراسم
وبعديه كتير من المواسم
طب هنقول خلصوا تعليمهم
وهما علي وش جواز
اجيب منين حق الجهاز
ايشي تلاجة وايشى بوتاجاز
وغلوا علينا كمان انبوبة الغاز
طب اعمل ايه ادلئ علي نفسي جاز
طب قولولي اعمل ايه
وانا مش طايل الجنيه
القبض يزيد من هنا
ويخدوه الطاق طاقين
ويقولولك بالغلابة احنا حاسين
وهما اصلا مش عارفين
احنا ازاي مستحملين
عشنا متنا مديونيين
ويقولولك كنا زمان بنستحمل ودلوقتى مش قادرين
بزمتكوا بالغلابة انتوا حاسين
طب نروح نشكى لمين
الريس مش حاسس بينا
لأ وبيرفع اسعار البنزين
واحنا معاكوا مكملين
مع ان مصر فيها خير
بس نهبوه المجرمين
وآل ايه عايز يلغى مجانية التعليم
حسوا بينا يحس بيكم ربنا
لو وقفتوا بين ايديه هيسألكم عننا
ضحكتوا علينا ونهبتوا ارضنا
لكن لينا رب
عمره ميسيب حقنا
عمره ميسيب حقنا
تعليقات
إرسال تعليق