القائمة الرئيسية

الصفحات

أخبار الاخبار

اهم 8 خطوات لطالب الثانوية يوم الامتحان من الاستيقاظ الى العودة الى المنزل

اعزائى طلاب الثانوية العامة ان ايام الامتحانات هى يام قلق وتوتر على اى حد بيمتحن لذلك قدمت لكم سلسلة من الافكار تقوم بها من وقت الاستيقاظ الى وقت العودة من اللجان بطرق مجربة من طلاب خاضو التجربة قبلكم 



الخطوة الاولى 
-هاتصلي الفجر تخلي اللى صاحى  الدك ,والدتك يدعولك و انت تدعي بالتوفيق .
-هاتجيب المنهج كله قراءة بعينك و تركز ع الدرجات المضمونة زي الرسومات و القوانين و التجارب و التعبير
- و انت رايح الامتحان تروح لوحدك معاك الكحول و الكمامة تبعد  بقدر المستطاع عن زمايلك المتشائمين او اللي حاسس ان مستواهم اعلى منك علشان الاحباط بس ف الساعات دي وحش جدا
- اسال زميلك اللى هتقابله حاجة انت متلخبط فيها وهو يسالك بردو  اللي سألك فيه علشان غالبا دا بيكون رزق من ربنا و هدية ليك و هاتدخل تلاقيها ف الامتحان ان شاء الله.


الخطوة الثانية:
 
فكارك تجذب اقدارك خلاص فاضل ع الامتحان نص ساعه اعمل ايه كل اللي تعمله انك توجه تفكيرك صح ازاي هاقلك يعني كل اللي يكون بيدور ف دماغك حاجة واحدة بس و هي انك داخل تقفل الامتحان و الامتحان ان شاء الله جاي سهل و ف مستوايا و ربنا مش هايضيع تعبي تفاءلو بالخير تجدوه و انا عند ظن عبدي بي دا مش كلامي دا كلام الرسول صلى الله عليه وسلم


الخطوة التالتة 
 
خلاص دخلت لجنة الامتحان
 تسمي الله تقرأ الفاتحة و اية الكرسي و الاخلاص و المعوذتين و تستعيذ بالله من الشيطان الرجيم و وتقول داء اللجنة  اللهم لا سهل الا ماجعلته  سهلا  الى اخر الدعاء 

 تبدأ يا بطل
 عينك قبل عقلك ركز معايا  يعني انك تركز كويس جدا جدا ف قراءة السؤال و تفهم هو عايز منك ايه و بعدين عقلك هايشتغل صح و يتذكر بطريقة منطقية مرتبة اعتمادا ع تركيزك و قراءتك الجيدة
قبل بداية الاجابة الهدوء و برود الاعصاب ( من اهم النقط اللي لازم تتحكم و تركز فيها)


 الخطوة الرابعة 

لابد ان يعتريك القلق دى شئ اساسى فى اى امتحان بس ازاى تتخلص منو بقا
هاقلك بس قبل ما اقولك حاول تطبق المعلومة الجاية دي مع نفسك ف امتحان ف البيت علشان تتعود عليها الاول و ان شاء الله هاتفيدك جدا جدا و اعتقد ان دي اول مرة اغلبكم يسمعها و محدش بيركز عليها اوي (بص يا سيدي عموما علاج التوتر و التعصب و يكون فيه اطمئنان اسهل طريقة ليه اللي اتذكرت ف القرءان طبعا ألا بذكر الله تطمئن القلوب و علميا بردو اثبتو انك لما تاخد نفس عميق و طلعه براحه لمدة دقيقتين او تلاته بيغير من مودك للاحسن و يشتت التوتر دا فكل ما تحس انك اتعصبت و الوقت بيعدي و السؤال مضايقك خد نفس
طب انا مش مقتنع بحكاية النفس و ازاي اسيب الورقه دقيقتين و اركز ف حاجة تانية
  بمعنى ان كل ما تحس ف الامتحان انك مش مركز و بتتشتت خلاص اقفل الورقه و اهد دقيقة و ما تبصش حواليك و خد نفس عميق و تعمل ريفرش لافكارك و تهدى و ترجع تاني يا بطل 


الخطوة الخامسة

 المراقبة و الشعور بان حدد باصص عليك سواء زمايلك او المراقب الطيب او صحابي الدحيحة عاملين ايه دلوقتي ف السؤال الجاحد 
دي مشكلة بتواجه اى طالب فى الامتحانات  بسبب تشتيت التركيز دا فعلاجها انك تسيب القلم و تهدي و تاخد نفس و تقنع نفسك انك هتتحاسب ع الورقه دي بس مش زمايلك و لا المراقب الطيب دا هايعملك حاجة و مفيش حد بيحسدك كل اللي عليك اركز ف الورقه اللي قدامي دي حلمي فيها فالاولي اني اركز ف حلمي

 الخطوة السادسة  العد التنازلي آخر نص ساعه

و دي نص ساعه او ربع ع حسب كل واحد المهم بتبدأ المراجعة و دي يا اما تزودك ٢ ل ١٠ درجات او تقلل منك٢ ل١٠ درجات او لا تقلل و لا تنقص طب ايه الكلام دا المفروض اني اعمل ايه يعني اراجع و لا لا
ركز معايا كدا المراجعة بتكون ع هيئة ٣ انواع من  الاجابات

 
مجاوب الورقه كلها و متأكد منها خلاص ف الحالة دي هاتظبط بس الشكل و ضيف كلمتين كدا و خلاص لا هاتقلل و لا هاتزود درجات
طب اجابه انا شاكك فيها


تمام الاجابه دي يا اما يكون ليها حل اخر فتكتبه ورا او تكون متأكد م الاجابه اللي انت مش كاتبها فتشخبط ع اللي انت كاتبها و تكتب بتاعتك و ف الحالة دي هاتزود درجات:

 طب لو اجابه ما فيهاش حل اخر و مش متأكد من الاجابه اللي كاتبها دي هي المشكلة
اولا هاتعمل نسبة و تناسب بين الاجابه اللي ف دماغك و الاجابه اللي ف الورقه و اللي دليله اقوى دا اللي يتكتب طب اخترت حادي بادي اعرف ان الاجابه اللي انت اخترتها دي ٧٠ف الميه غلط فبلاش حادي بادي ابوس ايدك و كدا اتحلت مشكلة المراجعة


  الخطوة السابعة  تسليم الورقة 

 هاسلم الورقه لقيت واحد صاحبي ف اللجنة بيقول اجابه لسؤال وواحد تاني ف الطرقه بيقول اجابة لسؤال و انا مش عامل كدا انت صح بإذن الله ف حالتين ١-لو انت متأكد من  اجابتك ماتسمعلوش  مش متاكد اكتبها 

الخطوة التامنة 

-بعد الامتحان هاتروح البيت ع وشك ابتسامه لطيفة رزينة كميلة و طمن اهلك  وخصوصا البنات مش مروحة معيطة وزى اللى حد مات عندك دة قدر ونصيب فى الاول و فى الاخر و ما تقولش غير الحمد لله علشان و لا تعشمهم اوي و لا تحبط املهم فيك اوي خليك كدا هادي و متوازن و تصلي الظهر و تاكل و  تنام  و لا تراجع و لا تفكر ف الامتحان ابدا كل اللي عليك اول ما تصحى م النوم تركز ف اللي جاي المادة اللى بعدها  و اللي فات مات و  تخليك واد ذكي كدا و تتحكم ف مشاعرك و افكارك و مذاكرتك
وبالتوفيق يابطال ونشوفكم دكاترة ومهندسين قد الدنيا ان شاء الله 


هل اعجبك الموضوع :

تعليقات

تعليقان (2)
إرسال تعليق

إرسال تعليق