تحميل المعاصر الثانى الاعدادى الترم التانى 2026 المنهج الجديد جودة عالية

ـ بسم الله الرحمن الرحيم ادخل يا شيخ البيت بيتك مفيش حد انا عايش لوحدي

ـ بسم الله

ـ اتفضل اتفضل

دخل الشيخ و بدأت اشغل انوار الشقة عشان يشوف المكان بدأت عينه تبص على كل زاوية في الشقة وبعد ثواني قالي:

ـ الشقة دي هوا غريب ريحتها مش مريحة دخلني الاوضة اللي بتنام فيها يا متولي

ـ اتفضل يا شيخ من هنا اتفضل... معلش هي مبهدلة شوية بس اهو عايش لوحدي بقا

ـ لا ولا يهمك بس عايزك تقفل شبابيك الشقة كويس و الباب

- متأخذنيش يعني يا شيخ هو ايه الكيسة السودة اللي في ايدك دي!!

- دا فيه الشمع و التفاحة بتوع جلسة التحضير

ـ جلسة ايه يا شيخ حسني احنا متفقناش على جلسة انت قولتلي هنشوف الشقة و هراء شوية قرآن

ـ هو الحل بالسهولة دي يا متولي احنا بنحضر الروح و بستأذن منها

جملة الشيخ "حسني" خوفتني كل اللي اعرفه عن الجلسات دي انها مش بتخلص على خير و دايمًا بيحصل فيها بلاوي

ـ تحضير أرواح!!! لا لا تحضير أرواح ايه؟! انا انا مليش في الكلام دا لا لاء

ـ مالك خوفت ليه اما احنا هنمشي جدتك من هنا ازاي هنخرجها منك ازاي

ـ تخرجها مني انت بتقول ايه يا شيخ هي هي ازاي في جسمي اصلا

ـ جدتك روحها في البيت يا متولي و لما انت بدأت تعيش فيه بعدها خت منها نفس الروح و بقيت تعمل أفعالها كل دا استنتاج مني.. بس مش هعرف الحقيقة غير لما اعمل جلسة تحضير

ملقتش رد على الشيخ و بدأت اقفل الشبابيك زي ما طلب ، دخل الغرفة بتاعتي و شال البرواز بتاع صورة جدتي من الحيطة و حطه قدامه على الأرض جمب الشمعة اللي طلعها من الكيس و خرج من جيبه شوية رمل شبه البخور بس شكلهم غريب حطهم على صورة جدتي "ناهد" و طلب مني اقعد قدامه و البرواز بينا احنا الاتنين بعدها مسك الشمعة و قربها من الرمل اللي على الصورة و قبل ما يلمسها قالي:

طلع موبايلك و خرجه برة و اقلع هدومك من النص اللي فوق.. نفذت كلامه و خرجت موبايلي برة و رجعت لاقيته مشغل على موبايله اصوات غريبة اول مرة اسمعها مش عارف احددها بس من كتر فضولي قولتله :

ـ ايه الأصوات دي يا شيخ حسني

بصلي و ابتسم و قالي:

ـ اول ما روحها تحضر هنسمع صوتها من هنا و لو محضرش صوتها هتحضر بحركتها عشان كدا جبت التفاحة دي لو لاقينة قتم منها حتة تبقى هي حضرت

كان بيقولها الشيخ حسني و هو بيخرج من الشنطة السودة تفاحة حمرا دم و حطبها جمب الصورة

ـ جججدتي صصوتها هيطلع من هنا و كمان ممكن تحضر و تاكل !!

كنت بقولها على مراحل لساني كان تقيل مش مصدق اللي بيقوله و بدأت أحس أن كلامه مش حقيقي

ـ اقعد يا متولي اقعد كله هيبان دلوقتي

بلعت ريقي و قعدت و انا جسمي بيترعش ربعت قدامه وطلب مني امسك أيده و اغمض عيني و مفتحش عيني مهما سمعت