تحميل ملحق المعاصر المراجعة النهائية للصف الرابع الابتدائى كونكت 4الترم الاول 2022

من اول السنه وأولياء الأمور لسانهم ادلدل عشان تقسملنا المناهج ع الترمين و انت بكل تعالي موافقتش وقلت مينفعش ندخل واحنا مش فاهمين حاجه احنا اللى بنذاكر مع ولادنا وشايفين وعارفين كل حاجه بدليل ان احنا سبنا حياتنا واشتغلنا مدرسين لعيالنا

فرضت علينا مواد زياده زى المهارات و ماده تعجيزيه زى تكنولوجيا المعلومات اللى بناخدها E عشان احنا لغات ماده محتواها يدرس لطلبة كلية نظم ومعلومات مش لاطفال لسه بيستهجو واللى أجزم بأن محدش فتحها تماااااااما ولولا تعليماتك لجميع المدارس بتملية الإجابات للاولاد كان كلهم سقطو فيها بس طبعا عشان يبان انهم حلو وتفضل فارضها علينا بالعافيه

قبل امتحان ديسمبر قلت محدش هيمتحن فى حاجه مخدهاش وكدبت علينا وفاجئتنا اننا هنمتحن على حسب الخطه الزمنيه الموضوعه واللى محدش لحق ينفذها فى اى مدارس وامتحنتنا فى حاجات مخدنهاش برضو وزنقتنا فى امتحانات ديسمبر بكم مكناش خلصنا نصه وخلينا العيال فى ليله الامتحان يحفظو نماذج اسئله واجابات فى حاجات لسه مدرسوهاش وامتحنا بالبركه وبالغش

بعد الامتحان كان اللى متبقى جزء يساوى الجزء اللى قبل الامتحان المفروض نخلصه فى شهر واللى قده مكناش خلصناه فى شهرين وقبل مانبدأ فيه طلبنا بحذف السابق أو حذف جزء من المتبقى رديت وقلت لازم يخلصو الجرعه كامله عشان التطوير اللى بتعالج بيه التعليم ينجح

يا سيادة الوزير هو فى حد بياخد الدوا كله مره واحده ولا قرص قرص لانه لو اخده مره واحده هيقضى عليه.

المنهج يحتاج لفهم والفهم يحتاج حفظ كلمات وتكرار وحل كتير وعشان الكم كبير مكانش فى وقت لكده فالهدف من منهجك لم يتم ومتعه التعلم اللى بتتكلم عليها محصلتش لأنك مدتناش وقت نستمتع و كنا متسربعين ومتبهدلين

طبعا مدرسين المدرسه بعافيه والفصول مليانه فلجأنا للدروس و طبعا المدرسين شرحو ب 4 و 5 دروس فى الحصه أو كترو عدد الحصص عشان يلحقو يخلصو وكله إرهاق لينا ماديا و العيال مش فاهمه حاجه عشان اتكروتو

وفجأه اخترعتلنا اختبارات المهام الادائيه لقياس مخرجات التعلم اللى متعلمنهوش واللى مطبقه على منهج لسه مخلصش وبدل ماالعيال يعدو يذاكرو بقية المنهج لهيتنا فى نماذج للمهام وكل يوم رايحين وجايين من المدرسه بينقلو الحل من النماذج لان حال العيال صعب ع المدرسين طيب استفدنا ايييييييييييه