نماذج سلاح التلميذ في جميع مواد الصف الرابع مع الإجابة عدد الصفحات 105 صفحة الرابط يشمل كل مواد الصف الرابع
الصورة كاملة في ..
خناقة التعليم بين الوزير والنواب ... و الحكومة بتعتذر...
كتبت: نشوى الحوفي
تابعت اخبار مثول وزير التربية والتعليم أمام النواب للرد على طلبات الاحاطة عن اوضاع التعليم في مصر النهاردة... والحقيقة حزينة من المشهد كله .. أنا من أكتر الناس اللي ايدت دكتور طارق شوقي على رؤيته لتطوير التعليم في مصر...و لكن ...
أولاً: التطوير مش بس رؤية ... التطوير ادوات لتنفيذ الرؤية أهمها المدرس اللي بينفذ الرؤية ... المدرس اهم من المدرسة و السبورة و التابلت ... فلما يقول النواب ان في عجز 120 الف مدرس !؟! ويرد الوزير إن العجز 323 ألف مدرس ؟!؟ تبقى كارثة لأن تعداد الطلاب 22 مليون طالب ...ده تعداد دول يا سادة ... والحقيقة في قصة المدرس الكل غلطان بلا استثناء...واقولكم ليه...
#الوزير_غلطان لأنه بنى رؤيته على اسس نظرية عظيمة جدا جدا لكن نسي عنصر التنفيذ ...حيرد عليا دكتور طارق ويقول دربنا المدرسين..حأقول له اسفه يا دكتور مساعدينك ما كانوش صادقين معاك...نسبة من المدرسين اخدت تدريب ونسبة كبيرة ما طالهاش التدريب ولا حتى التواصل عشان يعرفوا ازاي ينفذوا الرؤية التعليمية... قابلت وتواصلت مع مدرسين من مناطق كتير وفي منهم مقتنع باللي الوزارة اقرته لكن ما يعرفش ينفذها ازاي؟ هل يجوز إن المدرس وهو بيصحح امتحان يكون مدرك ان فيه اكتر من اجابة صح فيطلب نموذج تصحيح من الوزارة عشان ما يظلمش حد فما يجيلوش نموذج اجابة ؟ الرؤية اللي تبدأ بعجز في العدد يقدره الوزير برقم 323 ألف معلم ... ما يتوافقش عليها .... كان لازم نجهز لها صح عشان ما نضيعش مال البلد و مستقبل العيال الي عاوزين نطور اسلوب تفكيرهم ويتعلموا يخططوا و ينقدوا بعقل ناقد. معالي الوزير حزينة من تصريحاتك ..
معالي الوزير قال النهاردة في مجلس النواب ...أن منهج سنة رابعة مش أزمة.. الازمة انه محتاج ١٨٠ يوم دراسي لكن الواقع في مصر ١٠٠ يوم دراسي فالمنهج اكبر من الوقت الدراسي....طبعا دي الازمة دكتور طارق...فين التخطيط في الوزارة ؟؟؟ فين مستشارين المناهج...
#الحكومة_غلطانة ... رئيس الوزارة اللي مفروض قائد للحكومة بيتعرض عليهم وبيناقشوا خطط التعليم فكان لازم نحل مشكلة المدرسين وتكون اولوية لو عاوزين مستقبل صح بخطط صح. الوزير النهاردة اتهم وزارة الصحة في الوجبات المسممة وقال اسألوها... واتهم وزارة المالية في تعطيل التعاقد او الانتداب للتدريس لعدم وجود تعيين بالحكومة ... بس ده مش اي تعيين ده تعيين ناس تعلم جيل هو اللي حيحمي البنا اللي بنبنيه النهارده وبنتحمل عشانه كتير مواطن ومؤسسات.
#مجلس_النواب_غلطان ... لأنه لما جه يناقش القضية التعليمية حصرها في الوزير اللي حط الرؤية وهو احد الاطراف مش كلها .... المجلس اخدها بخصومة عشان الناخب اللي اداله صوته لكن ما اخدهاش كمصلحة وطنية ...التعليم بمشاكله منظومة للأسف متوزعة على وزارات كتير ..طلبات الاحاطة كان لازم تكون لكل الوزارات و معاهم رئيس الحكومة عشان نحل مش عشان نتخانق ...
فواحد من النواب يقول ان الوزير ما بيتكشفش على مجلس ويطلعه فيديو ؟؟؟!!!!!!
ونائبة تسأل الوزير سؤال عن عدد ضوافر البطريق في رابعة ابتدائي؟؟؟!!!!
والوزير يقول كلمة لعبة للنواب ...
والحكومة تعتذر عن الالفاظ ...
والمستشار الجبالي يقول لازم الحكومة ترد وتعتذر ؟؟؟؟؟؟!!!!
مجلس النواب كان لازم يناقش القوانين اللي بتنظم التعليم ويشوف ايه منها الصالح وايه منها الطالح عشان البلد وعيالها...
الى جميع المسئولين عن التعليم في مصر ...
التعليم أمن قومي لبلدنا وعيالها...
اجهزة مخابرات العالم بتشتغل على تخريب التعليم في الدول المعادية لها عشان ده اسهل وسيلة لهدم مستقبل الدول و تخريب اخلاقها
ارجوكم المدرسين رقم وااااااااااااااااااحد في اي تطوير والا مش حننفذ الرؤية
تعليقات
إرسال تعليق