القائمة الرئيسية

الصفحات

أخبار الاخبار

مواد رابعة ابتدائى و تدريس اللغة الاجنبية الثانية للصف الرابع الابتدائي 2022

 

 


 يستمر تدريس اللغة الاجنبية الثانية من الصف الرابع الابتدائي كما كان في الاعوام السابقة "ولا جديد في هذا الموضوع" ولا يوجد قضية للجدل وانتهى الأمر بعقاب من وضع "الڤويس" على السوشيال ميديا وأثار موضوعًا من العدم!

في إطار الجهود المبذولة من وزارة التربية والتعليم والتعليم الفني نفيد أن تدريس اللغة الأجنبية الثانية كمستوى رفيع يتم في المدارس الرسمية المتميزة والخاصة لغات كما هو دون تغيير، وبالنسبة للصف الرابع الابتدائي يظل كما هو في العام الماضي ولا جديد في هذا الأمر، وأن سلسلة اللغة الفرنسية المستخدمة كما هي دون تغيير.
 
ونوضح أن طلاب الصف الرابع الابتدائي في المدارس الرسمية المتميزة والخاصة لغات، من حقهم الاختيار بين منهجين للمستوى الرفيع في مادة اللغة الإنجليزية وهما: "Connect up ، Connect plus".
 
ونناشد وسائل الإعلام المختلفة ومرتادي مواقع التواصل الاجتماعي تحري الدقة والموضوعية في نشر الأخبار، والتواصل مع الجهات المعنية للتأكد قبل نشر معلومات لا تستند إلى أي حقائق، وتؤثر سلبًا على ‏أوضاع المنظومة التعليمية
 
 راى مختلف
عن مناهج الصف الرابع الابتدائي:
كمية الجدل حول مناهج رابعة ابتدائي غير طبيعية. الأغلبية بتتكلم عن إن ازاي طالب عنده 10 سنين يدرس 13 مادة. طب حضرتك عرفت إيه هم الـ13 مادة؟. قرأت عنهم؟. تعرف تفاصيلهم. اسمح لي ألخص لك الحكاية كلها.
عندك عربي ورياضة وإنجليزي وعلوم ودراسات ودي هي المواد الأساسية.. هل عندك خلاف على إن المواد دي أساسية ولا غني عنها؟. لأ طبعا.
طب إيه باقي المواد الفرعية اللي بعضها مش مضافة للمجموع؟. هنا بقى الجدل.
عندك مادة بتتكلم عن تكنولوجيا المعلومات. باختصار شديد جدا، المادة دي عبارة عن معلومات بتعرف الطالب يعني إيه تكنولوجيا، وازاي يستخدمها بشكل سليم، وازاي يستفيد بيها في حياته الشخصية والعملية، وازاي ممكن من خلال التكنولوجيا يطور من نفسه وقدراته ويتواصل مع غيره وهكذا.. أعتقد مفيش طفل في مصر مش محتاج يعرف أكتر عن الموبايل ولا الكمبيوتر اللي معاه، وازاي يستفيد منه.
 
 
عندك مادة تانية اسمها المهارات المهنية والوظائف المستقبلية، ودي برضو معلوماتية بتعرف الطفل إيه هي وظائف المستقبل وإيه المهن اللي محتاجها المستقبل، وإيه المهن الحالية الكويسة وقد إيه المستقبل له وظائف مختلفة عن الوظائف والمهن الموجودة دي الوقت، بحيث الطفل يبدأ يفكر: أنا نفسي أبقى إيه لما أكبر؟ طب أنا ليه مركزش علشان يبقى عندي حلم الوظيفة دي في المستقبل. كل دي الحكاية ببساطة.
 
 
عندة مادة تالتة عن القيم والأخلاق.. بيعرف الطفل إزاي يبقى إنسان سوي مع نفسه وأسرته وبيئته ومجتمعه، وإزاي ممكن يبقى بني آدم راقي متحضر بيحترم أهله ونفسه ومجتمعه لا بيعرف تنمر ولا عنصرية ولا سخرية.. بيعلمه معنى الاختلاف، وإن الأصل في المجتمع هو التنوع، ودي حقوقه ودي حقوق غيره، بيعلمه التسامح والمودة والرحمة. بيعلمه يعني إيه يكون إنسان. ده اختصار المنهج.
 
عندك مادة التوكاتسو.. بتعلم ابنك ازاي يواجه مشكلاته الشخصية والحياتية، وازاي يتحمل المسئولية ويعبر عن رأيه، وازاي يدير حياته من غير ما يعتمد عليك كأب في كل حاجة، ازاي يبقى بني آدم نافع نفسه وأهله ومجتمه وبلده. ازاي يفكر صح ويتعامل مع غيره صح. ازاي يعتز بنفسه ويعتمد على نفسه ويفكر ويبقى شخص سوي مثل سلبي.
 
منهج رابعة ابتدائي بيعلم الطفل معني الإلهام وبيديله قدوة حسنة ومثل أعلى. احنا القدوة اللي بقت عندنا ممثل مغرور أو فنان بلطجي أو مغني شعبي. لأ. هناك في المنهج الجديد بيحط لك مجدي يعقوب وقصته والمهندس العالمي هاني عازر وقصته وهكذا. بيعلم الطفل إنك تقدر توصل لمكانة الناس دي، بس مطلوب منك تعمل كذا.
 
منهج الدراسات الاجتماعية، بيعرفك كطفل. مين هي مصر، شكلها إيه، بتتكون من إيه، مين أهلها، صفات ناسها، أهم طباعهم، أهم معالمها، مصر بتمثل إيه للعالم، وكل ده في شكل قصص وحكايات ورسومات بسيطة بتتناسب مع سن الطفل ومستوى تفكيره.
مين فينا فاكر فيديو الطلبة اللي كانت في الإعدادية ولما اتسألوا عن مصر مكنوش يعرفوا عنها أي حاجة؟. من هنا كانت الحكاية، لازم كل طفل يعرف إيه هي بلده. لكن بشكل بسيط جدا وفي صورة قصة قصيرة شيقة جذابة مش معقدة، وبعيدا عن فكرة المجموع وامتحاناته التقليدية.
 
مش بكتب الكلام ده لتجميل الصورة، بس بعرفك قد إيه كل منهج له هدف. قد إيه كل منهج مش محطوط صدفة ولا بشكل عشوائي. مصر مبقتش محتاجة طفل ينجح بالقراءة والكتابة فقط، حرفيا إحنا محتاجين طفل يكبر وهو بيفهم وبيفكر وبيتعلم ازاي يكون إنسان سوي متحضر يحل مشاكله ويعرف الصح والغلط ويحلم ويبني حلمه بنفسه ويعرف ازاي يوصل صح مش يبقى عبء على نفسه وأهله ومجتمعه.


 
 
هل اعجبك الموضوع :

تعليقات