تحميل الاضواء عربى تالتة اعدادى الترم التانى 2026
- قولتلك جوز اختك تلمي شعرك قدامه وتلبسي احسن من كده.
- أنت متعليش صوتك، أنت سامع!
- ليه معليش صوتي ليه! اه صح المفروض ازغرط اني جاي لقيتك قاعدة قدامه كده.
- كده ازاي يابني ادم وطي صوتك، مانا بلبسي اهو وزي الفل!
- كده زي الفل؟؟ وبالنسبة لشعرك اللي مسافر ده ايه اخباره!
- هو يعني جوز اختي هيبص لشعري ليه هي اختي قارعة!
- أنتِ مالك بتدافعي عنه كده ليه! كأنه اهم مني!
اتوترت اختي تسمعنا، قربت منه وقولت بفزع:
- ششش، اختي تسمعنا هتود*يني في داهية، اهم منك يعني ايه تقصد ايه يا محترم!
- والله بقى اقصد اللي اقصده أو غيره، أنا مبقتش مستحمل العبث اللي بيحصل هنا ده، جوز اختك ده اساسًا بييجي كتير ومش مرتاحله.
خرجت اختي خرجت من البيت على صوت الخناقة بتسأل في زعيق:
- في ايه يا مرام! هو ايه اللي بيحصل بالظبط!
اتوترت لأقصى درجة وقولت:
- مفيش حاجة يابنتي ده..
ردت قالت:
- لأ فيه! هو أنت كل شوية تقعد تزعق! احنا كده المفروض نخاف يعني؟ حد قالك أنها معندهاش أهل؟
عيني بدأت ترغرغ من التوتر الحقوني دول هيتخانقوا، مراد كان واقف مش عارف يرد يقول ايه، كان بيحاول ميعملش مشكلة، لكنه فجأة خرج عن صمته وقال:
- لأ أنا عارف إن عندها أهل وهي بنت ناس وإلا مكنتش خطبتها، بس الدور والباقي ع اللي معندوش وطول الوقت متسرمح في بيوت الناس.
شهقت اختي وقالت:
- أنت تقصد مين! أنت بتتكلم عليا أنا! وأنت مالك أنت ده بيت اهلي! هو البيت بيت ابونا وييجوا الغُرب يطردونا! ما تشوفي خطيبك ده!
رديت وقولت:
- هو ميقصدش عليكِ اكيد، اهدي عشان خاطري ووطي صوتك بابا هيسمع.
رد مراد وقال:
- ما يسمع! خليه يعرف اني مش بتكلم على اختك، أنا بتكلم على جوزها اللي شبه اللبانة، ميعرفش يشتغل لكن يعرف يقعد عند أهل مراته!
ردت اختي بصوت اعلى:
- نعم يا اخويا! هو أنت كمان هتعلم جوزي يعمل ايه وميعملش ايه! وبعدين على قلبي زي العسل أنه مش بيشتغل خليك في حالك ده كلام ستات! أنت ازاي تتجرأ أصلاً، أنت تاخد شبكتك دلوقتي ومش عايزين نشوف وشك.
صرخت في وشها وقولت:
- أنتِ بتقولي ايه أنتِ كمان!!!
- ولا كلمة! انا اصلًا نظرتي كانت فيك من الأول صح، راجل شكاك موسوس مجنو*ن.
رد مراد وقالي:
- انا غلطان ولا لأ؟؟ ما تردي؟
لكني مردتش وعيط قدامه، قام رامي علبة الشوكولاتة اللي كانت في أيده على الأرض وماشي.
دخلت جوا الشقة متعصبة، مش طايقة اختي ولا جوزها، لأنهم فعلًا غلطانين، هما مش بس بييجوا مجرد زيارة.
اتكلمت اختي قدام ماما وقالت:
- على فكرة يا ماما، مرام تسيب خطيبها ده خلاص، ده غيران من جوزي!
رد جوزها وهو قاعد بالجزمة على الانتريه وبياكل موز:
- أنا كنت حاسس بكده، الغل بيبان بردو.
مقدرتش اقاوم الفيضان اللي جوايا، صرخت عليه وقولت:
- مراد هيغل منك انت! ده انت عواطلي مخلي اختي تصرف عليك وكل يوم قاعد عندنا هنا ومعندكش احساس.
طبعًا كلهم اتخضوا من ردة فعلي، ماما حاولت توقفني لكني كملت:
- بس يا ماما أنتِ، أنتِ يا حبيبتي بقالك سنة مكسوفة تقوليلهم يمشوا من هنا لكن أنا بقولها دلوقتي في وش اختي، يا تتجوزي راجل بيشتغل يصرف عليكِ يا بابا يبطل يصرف على جوز بنته هنا.
- كده؟ عجبك يا ماما اللي بنتك بتقوله! ماشي، يلا يا عيال هنلبس ونمشي، قوم ياللي منك لله جيبتلي الكلام، مخلي مراتك تصرف عليك.
كانت الساعة تمانية بالليل، كنت واقفة قدام بيته، اتصلت عليه وانا بعيط وبقول:
- الو.. ايه يا مراد.
لكنه رد بقمصة وقال:
- عايزة ايه؟ رنيتي ليه؟
- أنا تحت بيتك.
- ايه!!!
بص من الشباك لقاني ولقيته ابتسملي وفجأة نزل يجري يفتح الباب وخرجلي:
- أنتِ بتعملي ايه هنا والوقت متأخر! وبتعيطي ليه!!!
- أنا بحبك، حقك عليا اني اتعصبت عليك بجد.
قرب اكتر يمسح دمعة على خدي وقال:
- وأنا مبحبش حد في الدنيا كلها قدك..
- مراد صدقني أنا كنت غلطانة، أنا بس اتحرجت من الموقف، لكن فعلًا كان معاك حق، انا.. أنا..
كنت مش عارفة اجمع من العياط وكنت بترعش.
- طب بس اهدي، ثانية واحدة هجيب حاجة من فوق وجاي.
نزل بعدها وكان جايبلي چاكيت تقيل من عنده، لبسته وكملت:
- مراد .. أنا طردته، هو انسان فاشل ومينفعش يفضل عايش عندنا والبيت فيه بنت!
- شوفتي بقى! وبنت زي القمر كمان ..وتخُصني.
ابتسمت له وقولت:
- بابا بعد ما مشيوا قال أنه شخص مش كويس عشان يفضل قاعد كده، متزعلش مني.
- أنا عايز اعجل معاد كتب الكتاب.
- ايه! ليه!
- عايز لما اقول محدش يقربلك ابقى معايا كامل الحق.
- بتحبني اوي كده؟
حمل من هنا
تعليقات
إرسال تعليق