دفتر تحضير لغة انجليزية كامل جاهز للمواصفات الجديدة2026 شامل 126 صفحة
** ليه أحرف فواتح السور / الأحرف المقطعة وردت في بعض سور القرآن دون غيرها؟
** ليه السور دي تحديدًا؟
** ليه كلها بتيجي أول آية في السورة؟
** ليه المرة الوحيدة اللي ورد فيها مقطع في الآية الثانية؛ كانت في سورة "الشورى"؟
وحتى المرة دي كانت الآية السابقة –الأولى- تنتمي لآيات الفواتح، مش آية عادية!
** ليه بعض المقاطع بتكون آية لوحدها، بينما البعض الآخر بيكون أول مقطع في آية أكبر؟
** ليه بعض المقاطع بيتكرر، وبعضها ما بيتكررش ("كهيعص" مثلاً)؟
** ليه بعضها بيتكرر في سور متتالية فقط ("حم" مثلاً)، والبعض الآخر في سور متفرقة؟
** ليه بعض الأحرف بيتكرر في أكتر من مقطع، وبعضها ما بيتكررش خالص ("ك"، و"ن" مثلاً)؟
وليه كل الأحرف في المقاطع مذكورة مرة واحدة فقط؟ ما فيش حرف بيتكرر جوه نفس المقطع!
** ليه الـ14 حرف دول فقط اللي بيكونوا مقاطع فواتح السور؟ فين باقي الأحرف الأبجدية؟
** 14 حرف، في 14 مقطع!.. هل رقم 14 ليه أهمية معينة؟!
** ليه بيتفاوت عدد الأحرف من مقطع للتاني؟ 1، 2، 3، 4، 5 !
** ليه تم اختصاص أحرف: "ص، ق، ن" بالذكر المنفرد؟
.
دي بعض أسئلة البداية اللي دخلت بيها البحث ورا موضوع الأحرف المقطعة في القرآن لحد ما وصلت لاستنتاج الأرقام المعروضة أمامكم بدقة الكسر العشري الـ 16
تخيلوا إني في المرحلة الحالية، بفضل الله اتوفقت ألاقي إجابات عليها كلها!
ومش إجابات ظنية غير مستمرة الدلالة على مدار النص، زي الإجابات السابقة في الملف ده، لغويًا ورياضيًا..
إجابات ثابتة ومتسقة consistent بطول النص وعرضه..
في النصوص الطويلة زي النصوص القصيرة..
في أشكال التقسيمات المختلفة من سور وآيات وأجزاء... إلخ؛
هي نفسها ثابتة ما بتتهزش بنفس أرقامها، صالحة للتطبيق على آية من حرفين، وحتى مئات الآلاف من الأحرف!
.
إجابات واخدة قوتها من قوة الرياضيات.. علم الأساس للعلم التجريبي كله.
أو خلينا نقول: "قاعدة هرم العلوم الوضعية" حسب وصف أوجست كونت؛ رائد الفلسفة الوضعية بذات نفسه.
ومش بس بعلم الأساس: "الرياضيات".. لأ ده بأساس الأساس كمان: "الحساب والجبر!"
.
طيب هل بالإجابات دي كده خلصت الحكاية؟
على الإطلاق!!
دي فتحت أسئلة أكتر وأكتر في مجال بحث متعدد التخصصات هاينشأ بسببها، ويكبر ويتشعب إلى ما يشاء الله.
نتمنى بس ربنا يستعملنا في الموضوع ده ولا يستبدلنا.
هنا
تعليقات
إرسال تعليق