تحميل كتاب الانجليزى الصف الرابع الترم التانى 2022كونكت4
كتابكونكت الصف الرابع الابتدائي كااااامل
مكن أعرف يعني حضرتك بتمنع الغش ليه ؟ 
عارف حضرتك كده بتعمل إيه في الولاد اللي بتمنعهم يغشوا؟عارف يعني إيه لا تستجيب لاستجدائهم المتمثل في استخدامهم كلمات أمثال ( اعتبرني ابنك يا مستر ) أو ( يا ميس احنا زي ولادك ) ؟طب عارف أنت بكده بتعمل إيه في أهاليهم في البيت اللي بيقعدوا قلقانين ويدعوا لهم إن اللجنة بتاعتهم تكون مش شديدة والمراقبين يكونوا متساهلين ويسمحوا باستخدام التليفون وجوجل وغيره للغش؟عارف أنت كده بتعمل إيه ؟!
تعالى 
وأنا أقولك 
وأنا أقولك .
أنت كده ببساطة شديدة بتقف عائق وسد منيع ضد إن عشرات وإن لم يكن مئات من المرضى يموتوا أو يتعرضوا للأذى بسبب طبيب فاشل متعلمش يشغل مخه وضميره
أنت كده بتحمي المجتمع من انهيار مباني وسدود ومرافق من تحت راس مهندس غير كفء اعتمد على حجم ضئيل من المعلومات في التعلم
أنت بكده بتمنع وجود محامي غير شريف ينصر الظالم ويأخذ على يد الضعيف
أنت كده واقف عقبة ضد ظهور موظف مرتشي ينخر في عظم الأمة فسادا
أنت كده مش هاتخلي فيه فرصة لوجود معلم غير قدوة وستحيي القدوات لتحيا الأمة من جديد
أنت كده مش هاتسمح لنا نشوف مسئول فاسد يحبط العزائم ويدفن القدرات ويضيع الهمم من أرواح الشباب
أنت كده حجر عثر في طريق الإنسان الوصولي والمتسلق وسبيل لفتح الطريق للمجتهد
أنت كده مشكلة كبيرة قوي في حياة مشروع لص محترف وعون كبير جدا في حياة نبتة صالحة من أبناء وطنك طب أقول لك بقى عملت إيه في أهلهم !أنت كده بتحمي أهلهم من التعرض في المستقبل لمصائب جلل بسبب جرائم أبنائهم اللي فوق دي 
...واخيرا انت بترسخ قيمه للأولاد أن من جد وجد وإن تعبك مش هاياخده غيرك وتبقى قدوة طيبه وتقابل ربنا وأنت مرتاح 
فهنيئاً لك 
اللهم اهد قومي فإنهم لا يعلمون
تعليقات
إرسال تعليق