حدوتة(٢٠) "ثلاث دقائق فقط داخل آلةالزمن"
من سنة وشهرين حلمت
ان انا طلعت رحلة .. وكانت اجمل رحلة في حياتي لاني قابلت فيها العالم "ويلز " ..ودا مُخترع آله الزمن_والالة دي كان اللي يدخل جواها يقدر يشوف الزمن الماضي كله ويشوف الناس كانت عايشة ازاي زمان 
ان انا طلعت رحلة .. وكانت اجمل رحلة في حياتي لاني قابلت فيها العالم "ويلز " ..ودا مُخترع آله الزمن_والالة دي كان اللي يدخل جواها يقدر يشوف الزمن الماضي كله ويشوف الناس كانت عايشة ازاي زمان وأنا كانت امنية حياتي اني ادخل آلة الزمن دي واشوف الناس الفراعنة اللي كانو عايشين في مصر زمان كانو بيكتبو وبيتكلمو ازاي
_وقالي العالم "ويلز" انتي هتدخلي آلة الزمن واودامك ٣ دقايق بس هتسافري فيها بالزمن للماضي وتشوفي اي حاجة حصلت فيه وهتطلعي من الآلة بعد انتهاء ال ٣ دقايق .اوعي تنسي هما ٣ دقايق وابواب الالة هتتقفل ومش هتعرفي تخرجي منها للابد
وبالفعل دخلت الآلة ودخل معايا العالم ويلزوضغط علي زرار في الآلة مكتوب عليه(٣٠٠٠ ق.م)
وقال العالٍم للآلة "عودي بالزمن للوراء ل ٣٠٠٠ سنة قبل الميلاد واذهبي بنا إلي مصر
وبعد ثانية واحدة لاقينا نفسنا عند مستنقعة مياه جنب نهر النيل اللي في مصر ولاقيت واحد مصري فرعوني بيقطع من النباتات اللي طالعة جوه الماية ..وسألته ..
_هو ايه النبات دا وليه بتقطعه كدا من الماية
=رد وقالي دا "نبات البوص" انا بقطعه علشان اصنع منه الورق اللي هنكتب عليه
_قولتله ايه دا انتو بتعرفو تكتبو ؟..طب ممكن تكتب اي حاجة اودامي كدا لاني نفسي اشوف الكتابة بتاعة الفراعنة المصريين دي جدا
=بدأ يكتب اشكال ورموز غريبة جدا وقالي نظام الكتابة دا اسمه "الكتابة الهيروغليفية "
_قولتله بس دي كلها رموز كتير جدا
=قالي دي ٧٠٠ رمز بس و اهو احنا احسن من امريكا شوية لان صحابي في امريكا عندهم نظام الكتابة بتاعتهم هيروغليفية برضو ولكن عدد رموزها اكتر حوالي ٨٠٠ رمز 
_وهنا دقت آلة الزمن اول جرز انذار قائلة("متبقي من الزمن دقيقتان فقط)
_وسألني "العالم ويلز " :_قولي بسرعة نفسك تروحي لدولة ايه تاني علشان مش باقي غير دقيقتين والآلة هتقفل علينا ..؟؟
=فطلبت من "العالٍم" انه يوديني دولة العراق _وبسرعة ضبط "العالم ويلز "الآلة علي انها تسافر بالزمن ل ٣٠٠٠ قبل الميلاد وتوصلنا دولة العراق
وبعد ٣ ثواني الآلة وصلتنا العراق ولاقينا مكتوب علي بوابة الدولة الجملة دي 
________"هُنا يعيش البابليون" .._________
فعرفت ان الناس اللي كانو عايشين ف العراق زمان اسمهم "البابليون "
_وأول ما دخلنا دولة العراق لاقينا البابليون دول كل واحد فيهم ماسك مسمار وبيكتب بيه
_وقفت واحد منهم سألته ..هي نظام الكتابة بتاعتكم دي ؟؟؟؟
=قالي دي الكتابة المسمارية ..واحنا البابليون اللي اخترعناها
*وهنا دقت آلة الزمن اخر انذار لها قائلة
"(متبقي من. الزمن دقيقة واحدة وبعدها سأغلق جميع ابوابي ولن يستطيع احد منكم العودة ) 
_وبسرعة" العالم ويلز "قالي خلينا نطلع علي "الصين" دلوقتي لان فيه هناك اشجار توت عايز اشوفها وفعلا ضبط الالة انها ترجع بينا بالزمن للوراء في دولة الصين واول ما وصلنا عند شجرة التوت لاقينا واحد بيقطع من الشجرة وسأله العالم ويلز انت ليه بتعمل كدا قاله لان احنا الصينين بنصنع الورق اللي بنكتب عليه من شجر التوت ..
___وفجأه آلة الزمن اغلقت جميع ابوابها قائلة(عفوااا لقد انتهي الوقت فلا يمكنكم الخروج الان ) 
وفضلت اصرخ جدا جوه الالة من كتر الخوف اني مش هعرف ارجع للزمن بتاعي تاني وحسيت ان الهوا جوه آلة الزمن بدأ يقل ومبقتش قادرة اتنفس ...
لحد ما لاقيت ماما بتقولي منيييي انتي بتحلمي!!!!
وصحيت وانا مرعوبة ومش مصدقة اني لسة عايشة وان انا في الزمن بتاعي وكل دا كان مجرد حلم
وفضلت ماما تسألني انتي كنتي بتحلمي ب ايه؟
_وقعدت احكيلها كل اللي شوفته وازاي الكتابة كانت زمان وازاي اتطورت لحد ما بقيت الكتابة بالحروف الابجدية اللي احنا بنكتب بيها دلوقتي
=وماما كانت مبسوطة جدا وهي بتسمعني وقالتلي الحمد لله علي "اللغة المكتوبة" دي سهلت علي الناس انها تتواصل ومن خلالها قدرنا نفهم الماضي وثقافتهم وافكارهم
وقومت بسرعة من علي السرير حاولت أقلد اي كتابة شوفتها ف الحلم بس معرفتش لان انا متعودة اكتب من اليمين للشمال يعني بكتب في" صفوف افقية "لكن الكتابة الهيروغليفية كانو بيكتبو في عواميد .
١_صنع المصريون القدماء الورق البردي من نبات ....في مستنقعات قرب نهر النيل
(أ_التين_ب_البوص_ج_الصبار)
الاجابة(ب)
٢_ قام المصرين القدماء بالكتابة علي ....
(أ_الورق البردي _ب_ورق الشجر _ج_لم يتعلمو الكتابة)
الاجابة(أ)
٣_نظام الكتابة عند المصريين القدماء هي الكتابة.....
(أ_الهيروغليفية_ب_الفرعونية_ج_الابجدية)
الاجابة(أ)
٤_تتكون الكتابة الهيروغليفية من ..... رمز
(أ_١٠٠ _ب_٧٠٠ _ج_٩٠٠)
الاجابة (ب)
٥_ كل من مصر وامريكا الوسطي اتبعت نظام الكتابة ......
(أ_الهيروغليفية_ب_الانجليزية_ج_البرغالية)
الاجابة (أ)
٦_عدد رموز الكتابة الهيروغليفية في امريكا ...
(أ_٨٠٠ رمز. _ب_ ٧٠٠ رمز)
الحل(أ)
٧_ نظام الكتابة في العراق هو الكتابة ....
(أ_المسمارية_ب_ الابجدية_ج_الهيروغليفية)
الحل:,(أ)
٨_ أنشأ ..... نظام الكتابة المسمارية
(أ_, البابليون_ب_الامريكيون_ج_الفراعنة)
الاجابة (أ)
٩_قام الصينيون بصناعة الورق من اشجار....
(أ_التوت _ب_البوص_ج_العنب)
الاجابة(أ)
١٠_اوجه التشابه بين الكتابة الابجدية الحالية والكتابة الهيروغليفية قديما ان كلا منها ...
(أ_ساهم في توصيل الثقافات بين الماضي والحاضر
ب_ الكتابة قديما وحديثا تتكون من رموز)
الاجابة(أ)
١١_ الكتابة الهيروغليفية كانت تُكتب .....
(أ_عموديا_ب_أفقيافي صفوف)
الاجابة(أ)
١٢_ الكتابة الابجدية تُكتب .....
(أ_افقيا في صفوف من اليمين لليسار او العكس _ب_عموديا من اعلي لاسفل)
تعليقات
إرسال تعليق