القائمة الرئيسية

الصفحات

أخبار الاخبار

تحميل مذكرة وكراسة تدريبات لغة عربية الصف الرابع الابتدائي الترم الاول 2022

 


تحميل مذكرة وكراسة تدريبات لغة عربية  الصف الرابع الابتدائي  الترم الاول 2022

كفاية طاقة سلبية بقا كفايه بجدخلاص الترم بدء وبدء معاه العد التنازلي ع أول امتحان شهر سيبوا المدرسين المحترمين اللي في الجروب يعرفوا يشتغلوا ويزودونا بعلمهم شجعوا الولاد علي المذاكرة وتقسيم الوقت
علي فكرة المنهج الجديد معظمه حلو وفهم بس الكم كبير بس لو اشتغلنا وبصينا قدامنا هنخلص ونتمرن علي الامتحان كمان وربنا معانا كلنا ويكون حظ الدفعة دي في تحصيل العلم أحسن من دفعات النظام القديم
وأخيرا كل الشكر والأحترام والتقدير لكل معلم بيمدنا بعلمه ويكون صدقه جارية في ميزان حسناته

 

النصوص الاستماعية الي في المنهج عندكم 6 نصوص
الي هو منهم نص حوار مع الدكتور مجدي يعقوب
بص بقى وافهم الكلام ده اوووي عشان متندمش
الدروس الاستماعية ديه لو اتعاملت معاهم
على إني أحفظ المعاني وأعمل الدرس سؤال وجواب والعيل يحفظه وخلاص ده ملهوش اي لازمة نهااااائي
طب أنا لما أذاكر الدرس الاستماعي مطلوب ايه
مطلوب منك مخرجات تعلم لكل درس
يعني ايه يا مستر مش فاهم؟؟
يعني حضرتك كل درس استماعي بتاخده
الوزارة بتقولك يابني بص أنت في الدرس ده مطلوب منك شوية معلومات تطلع عارفها
المعلومات ديه في حاجات منها في الدرس وفي حاجات منها برا الدرس بس مرتبطة بالدرس
زي مثلا درس مجدي يعقوب الدرس ده اذاكره لأبني ازاي؟؟
قالك أنت في الدرس ده مطلوب منك
1/ تعرف ابنك أحداث الدرس وتفهمها ليه لاني هسأله فيها عن طريق صح وغلط واختر نظام اني اجيب سؤال مقالي بعيد شوية
2/ مطلوب منك أي فقرة تقرأها لابنك في الدرس وتفهمهاله تخلي ابنك يحط ليها عنوان رئيسي أو فكرة رئيسية مهم أوووي
3/ مطلوب منك تخلي ابنك يقول رأيه في أحداث الدرس سواء موافق أو لا
يعني مثلا يا حبيبي ايه رأيك في رجوع مجدي يعقوب لمصر؟؟
ايه رأيك في اختياره أسوان يبني المركز بتاعه فيها؟؟
وتعوده إنه سواء موافق أو لا الاتنين صح بس يقول السبب ايه
٤/ لازم تعود ابنك يتوقع الاحداث متديهوش المعلومة جاهزة خد منه الأول كل حاجة
يعني اسأله تتوقع ليه مجدي يعقوب راجع مصر؟؟
واسمع منه كله وبعدين انت قوله السبب بقى الي ف الدرس
5/ الدرس ده بيتكلم عن عالم في الطب لازم تبحث لابنك على النت عن علماء تانيين زيه وانجازاتهم لانه ممكن يسأله عن ده ف الامتحان
زي مثلا أحمد زويل انجازاته اخترع الفينتو ثانية
6/ تدربه ان ازاي النصايح الي قالها مجدي يعقوب ازاي يطبقها على حياته عشان ينجح وازاي يشاركها مع حد اصغر منه
يعني لو حد اصغر منه طلب منه نصيحة عشان ينجح يقوله النصايح ديه
7/ لازم اخليه يتخيل نفسه بعد عشرين سنة انه بقى عالم وهيعمل مشروع زي مجدي يعقوب نفسه يبقى المشروع في مجال ايه وليه وهل ده مشروع مفيد ولا لا
ديه الحاجات المطلوبة من درس مجدي يعقوب
هل اعجبك الموضوع :

تعليقات