نماذج امتحانات اكتوبر للصف الرابع الابتدائي لغة لنجليزية 2021
بس هنعمل اللى علينا و نتحدى كل الظروف ونعلم الولاد على قد ما نقدر
الموضوع اصبح غير منطقى وفى صالح مين محدش فاهم
لا فى صالح الطالب ولا المدرس ولا حتى ولى الأمر
ليه التعجيز ده
ايه كم الحشو اللى جوه الكتب ده
ده لو منهج السنة كلها كنت هقول كتير
مابال ان كل ده تيرم واحد بس
ليييييه؟؟؟؟؟؟؟
طيب فى التيرم الجاى هيجيلنا إيه ؟؟؟؟
طيب فى خامسة وسادسة هنشوف إيه ؟؟؟؟؟؟؟
وفجأة وبقدرة قادر كل المواد اللى بنقابلها فى طريقنا بقيت ع المجموع
ليه خير !!!!!!
انا ابنى بعد مايدرس كل المواد دى السنة دى هيبقى جاهز ومستعد لدخول اولى إعدادى علطول
وبعدين احنا طلبنا إمتحانات عادية زى الناس الطبيعيين يعنى او زى اخواتهم الكبار ع الأقل
فجأة لقينا 3 إمتحانات تيرم أول وزيهم تيرم تانى
حاضر:مفيش مشكلة
بس شوية نسمع انها مجرد امتحانات شهرية
وشوية نسمع إنها إمتحانات بجد مش هزار
طيب مين المسؤول عن وضعها
الله اعلم
طيب إيه هيكون شكلها علشان ندرب الولاد عليها
برضو الله أعلم
لازم نشوف نماذج للإمتحانات علشان يتم تدريب الأولاد عليها
فهمنا إنها مش هتعتمد ع الحفظ وهتعتمد على مخرجات التعليم كما هو الحال فى الثانوية
موافقين: بس اللى هو ازاى يعنى ؟؟؟؟؟
ولا بعد العيال مايذاكروا ويطلع عينهم يدخلوا الإمتحان يجيبوا درجات غير إللى توقعوها
وتبقى النتيجة إن العيال تكره الدراسة والدروس والكتب والتعليم كله
خاصة انهم فى الدروس اتعودوا على الدرجات النهائية
بس إمتحانات الدروس ماشية ع الطريقة المعتادة
فين بقى النماذج إللى عيالنا هيشوفوها
فين ؟؟؟؟؟؟؟
ولا احنا لازم نتفاجئ !!!!!
يخربيت نظام المفاجآت إللى بقينا ماشيين عليه فى التعليم
ماشيين بمبدأ
كل يوم فى جديد
بقينا بنصحى ندور يمكن نزل قرار او معلومة جديدة
كل ده وبيقولوا كل شئ متخطط له من الأول
فين بس التخطيط ده مفيش خط واحد مرسوم نمشى عليه...
مبقاش فى غير جملة واحدة
كلنا مقتنعين بيها
((اللى جاى أصعب بكتير من اللى فات))
المناهج جميلة بس كتييييرة كان كفاية 10 معلومات مش لازم 50
وفى مدرسين ممتازين فعلا وبيشرحوها بإتقان
بس فين الوقت ؟؟؟؟
المناهج دى محتاجة سنة دراسية مش تيرم واحد آبداااااا
وكده كده كتب التيرم التانى هتتأخر وهيطلع عينا على مانشوفها
طيب ماخلاص خلى دى للسنة كلها
وتتشرح بتأنى وتاخد وقتها والطالب يذاكر بدون ضغط
العيال حرفيا صعبانين علينا
بس هنعمل اللى علينا و نتحدى كل الظروف ونعلم الولاد على قد ما نقدر
تعليقات
إرسال تعليق