مذكرة شرح النصوص المتحررة بالتفصيل أفكار النظام الجديد

الكلام اللي جاي ده ممكن تكون تعرفه أو أول مرة تقرأه بس ممكن تحس إنه كلام عايز معجزة عشان يتحقق..

بس حاول تقرأ بتركيز وتاخد أي حاجة تفيدك.. 

 

 

بص لو شايف الحياة (متعبة) حاول تحذف (الباء) وكمل حياتك.. إزاي يامسيو؟ شوف الحياة على حقيقتها هي فترة صغيرة جدا هتعيشها هنا... صغيرة فوق ما تتخيل ممكن تخلص مهمتك في أي وقت ومن غير أي مقدمات وفي طرفة عين مش هتكون موجود.. 

 

 

 

عشان كده بقولك أتمتع بإللي في اديك من نعم واحمد ربك وعامل الناس بمحاسن الأخلاق لأنها هي إللي باقية... 

 

 

اشتغل على نفسك وخليك قوي رضيت الدنيا والناس أو مرضيوش خليك أقوي

عايز تعرف كلمة السر للراحة عموما؟ اشغل وقت فراغك بحاجة تميل ليها يعني قراءة أو ممارسة الرياضة أو زراعة ورد في البلكونة أو أتعلم حاجة جديدة تشغلني واقضي وقتي فيها وأنا مرتاح.

لأن طول ما إنت فاضي دماغك مش هتبطل تفكير. 

 

 

 

وخد بالك إن محدش هينتبهلك زيك ولا هيهتم بيك زي نفسك.

وده مش معناه إن إللي حواليك هيقصروا معاك بس الدنيا مش مريحة الكل فخد بالك من نفسك بقي.

وافتكر دائما إن إللي إنت فيه سواء حلو أو وحش هيعدي فماتشغلش بالك كتير وسيبها لرب التدبير.

واوعي تنسي ورد قرآن واستغفار يومي عشان تعرف تعيش مرتاح الروح والبال.

خليك دائما في الصف الأول ومكان ما تقف يبدأ العد.

اللهم أعذنا من ضيق يقتل جمال مبسمنا.