عزيزى القارئ كلنا يستغرب لماذا الباقة لم تعد تستمر مثل الاول لتكمل الشهر حتى ياتى موعد السداد او بقت بتخلص بسرعة ليه ؟
السرعات القديمة كانت زمان بتبدأ من 512 لحد 2 ميجا وقليل جدا من الناس اللي كان عندهم اشتراكات بسرعات اعلى زي 4 او 8 او 16 ميجا ، كان بتبقى السرعات دي خاصة بس بالشركات والمصانع والفنادق بسبب تكلفتها العالية وعدم وجود بنية تحتية تدعم ده فى اغلب المناطق.
السرعات الحالية بعد تركيب الفايبر بقت من 30 ميجا لـ 100 ميجا داونلود / 5 لـ 30 ميجا ابلود️ و دي سرعات عالية جدا مقارنة ب 512 لـ 2 ميجا / 128 لـ 512 ابلود️.
مثال للتوضيح
على سبيل المثال لو كان زمان عندك خط سرعته واحد ميجا والسرعة واصلالك فعلا 1 ميجا وعايز تحمل 10 جيجا ، ده هياخد منك وقت 24 ساعة كاملين تحميل مستمر مستهلك لكامل قوة الخط في حين حاليا لو عندك اقل سرعة واصلة كاملة 30 ميجا هتقدر تحمل الـ 10 جيجا في اقل من ساعة واحدة.
جودة الفيديو
اصحاب الفيديوهات يعلون جدا من جودة الفيديو لمصلحتهم لانهم يريدون ان يتصدرو النتائج و هذا بدوره يسبب كارثة كبرى فى اهدار الباقة
اليوتيوب والفيسبوك واغلب مواقع تشغيل محتوى الفيديو بيبقى فيها خاصية بتحدد جودة الفيديو اوتوماتيك حسب السرعة وفي ناس كتير مبتدققش ع الموضوع ده وبتشغل فيديوهات بجودات تصل لـ 1080 و 2160 اللي هما مكناش نقدر نشغلهم اصلا بالسرعات القديمة ، فا لما يكون عندك 3 او 4 تليفونات بس بتشغل فيديوهات بالجودة العالية دي قادرين انهم ينهو اكبر باقة ف خلال وقت قليل جدا.
الحل الامثل للمشكلة
الحل للمشكلة دي ، اى حد عندي ف البيت بيجي عايزين نت مش هقعد بقى اقول لكل واحد نقص جودة كل فيديو ، فا بريح نفسي وبحدد السرعة من الروتر وده بيحافظ على الباقة وف نفس الوقت السرعة كويسة جدا النت مش هيكون بطيء.
اتهام الشركة بالسرقة
كل الكلام ده مش صحيح هما فعلا نقصو الباقات بس ده بسبب، زمان كانت الباقات فعلا اكبر ممكن 400 جيجا ، بس مكنش حد بيقدر اصلا يحمل حتى 100 جيجا من الناس العادية ، لكن دلوقتي لو الباقة 400 اي حد هيستهلكهم من غير اصلا ما يحس ولا يعرف انه استهلك وده مكلف جدا، ده غير ان في اطفال هنا ماشاء الله بيحملو العاب ليل ونهار ، وكلنا محتاجين للنت و للاسف ده ملوش علاج نهائي غير بان الناس تفهم الكلام ده.
مثال للتوضيح
كأن عندك خزان مية سعته 100 لتر وكان عندك حنفية صغيرة بس دلوقتي ركبت حنفية بحجم اكبر بكتير على نفس الخزان ، طبيعي لو فتحتها مرة وحدة هتخلص الخزان اسرع بكتير من قبل كده.
النت فى الدول التانية مفتوح مجانا
ناس تانية بتقول طب ما هما يفتحو الباقات ما النت ببلاش وفي دول كتير فاتحاه مصر بس اللي كده والنت عبارة عن شبكة ومفيش حساب والجيجات اصلا ببلاش ، ده مش صحيح مفيش حاجة اسمها النت ببلاش والجيجات ببلاش، ده موضوع كبير بس اختصارا ، دي معلومات مش صحيحة نهائيا، اللي عايز يبحث يدور الشركات دي بتدفع ايه عشان تحاسب على الجيجات اللي بتدخل وتخرج من مصر.وللتبسيط شبكة الانترنت زيها زي شبكة الكهربا وشبكة المية والغاز مع اختلاف حاجات كتير بس المبدأ واحد.
مقارنة مصر بدول الخليج
الناس اللي بتقارن مصر بدول تانية باقاتها اعلى او مش محددين الاستهلاك زي الدول الاوروبية او دول الخليج ، في فرق كبير بين اقتصاد مصر واقتصاد دولة مثلا زي قطر وفي فرق كبير بين دول العالم الاول والعالم التالت ، دولة زي قطر او الامارات، ابحث ف جوجل بنفسك وشوف قطر ودبي ترتيبهم الكام على مستوى العالم من ناحية الدول الغنية، ابحث وشوف هل ينفع نقارن اقتصادنا الحالي بدول صناعية او بترولية ؟
الناس اللي مستقلية بالـ 140 جيجا ، ببساطة 140 جيجا تقدر تحمل بيهم 350 فلم! و بجودة كويسة جدا ، ولو متوسط الافلام دي مثلا ساعتين فا دول 700 ساعة عشان تخلصهم محتاج تفضل 29 يوم 24 / 24 .
ملخص الكلام
لازم المستخدم يعرف يتحكم في استخدامه للسرعة العالية المتاحة لينا
قبل اي حاجة أمن روترك من السرقة ، بخطوتين :-
1- اغلاق خاصية WPS ..اعتبر ان دي لو مفتوحة ، كأن الروتر معليهوش باسورد واي موبايل قريب من البيت او حتى ف الشارع يقدر يستخدم باقتك .
2- باسورد الراوتر لازم يكون فيها الـ 4 حاجات دول :- حروف كبيرة ، حروف صغيرة ، ارقام ورموز زي كده مثلا BBbb11#$
2- باسورد الراوتر لازم يكون فيها الـ 4 حاجات دول :- حروف كبيرة ، حروف صغيرة ، ارقام ورموز زي كده مثلا BBbb11#$
حافظ على الباقة من استهلاك السرعات العالية
حدد السرعة من الراوتر
حسب المناسب للاستخدام هو تحديد السرعة يعتبر عامل امان فقط بحيث لو حد شغل فيديو بجودة عالية السرعة بتنبهو وتعرقله بس المستخدمين المستمرين ف البيت المفروض يكونو على علم بموضوع تحديد جودة الفيديو، تقدر تتحكم ف الحاجة دي حسب تغير ظروف البيت.فيديو لتحديد السرعة من الراوتر
جودة متوسطة 360p للفيديوهات متسيبش ابدا الجودة على اوتوماتيك حتى بعد تحديد السرعة.
وقف التحديث التلقائي للتطبيقات
كل موبايل بيكون فيه تطبيقات تابعة لخدمات جوجل ، التطبيقات دي بتعمل تحديثات بتسحب باستمرار سحب رهيب من الباقة ادخل على جوجل بلاي او المتجر ووقفها ولو احتجت تحدث تطبيق محدد ادخل حدثه يدوي.
كل موبايل بيكون فيه تطبيقات تابعة لخدمات جوجل ، التطبيقات دي بتعمل تحديثات بتسحب باستمرار سحب رهيب من الباقة ادخل على جوجل بلاي او المتجر ووقفها ولو احتجت تحدث تطبيق محدد ادخل حدثه يدوي.
في خاصية ف بتحدد جودة الفيديوهات ف الفيسبوك و خاصية تانية بتوقف التشغيل التلقائي للفيديو اللي بيشتغل لوحدو بمجرد ما بتضغط عليه، اما اليوتيوب فهو بيحفظ آخر حاجة ظبطتها عليه تلقائيا.
ملاحظات
تعليقات
إرسال تعليق